Ceum

Dh’òl mise bainne milis mo mhàthar – seòl glan, gun ghainne: dùthchas na Gàidhlig.’

Chan e fèin-fhiosrachaidhean Iain, no a bheachd air gràdh, Gàidhlig, slàinte, poilitigs is tachartasan an t-saoghail a-mhàin a tha clàraichte sa chruinneachadh seo. Chìte cuideachd buaidh ghinealaichean dhe a shinnsirean na chuspairean, na mhodhan-smaoineachaidh, na ruitheaman, na bhriathrachas agus na fhaireachdainnean làidir. Tha Gàidhlig is Gàidhealtachas na cheann, na chridhe, na fhuil, na smior, na spiorad, agus chanadh cuid, fiù ’s na anam.