Òran Mo Sheanar

“Le uisg is le grian,
bidh sinn uile a’ fàs.
Gheibh sinn latha agus oidhche,
gheibh sinn beatha is tàmh.”
Seo an t-òran a bhios Seanair a’ gabhail a h-uile latha nuair a bhios e fhèin agus ogha a-muigh a’ cur sìol. Gabhaidh na bliadhnaichan seachad agus fàsaidh na craobhan nan coille fhad ‘s a dh’fhàsas am balach àrd agus làidir. Tha Seanair a’ fàs aosta agus às dèidh latha dòigheil, mus tèid e a ghabhail tàmh, bheir e am poca sìl do ogha. Tuigidh esan a-nis gum feum e cumail suas òran a sheanair.